Zie mot poese, krabbe, schure, wrieve, boene (Provinciale Zeeuwse Courant Zeeuws Nieuws)

Zô-as aalk jaer kreeg de vrouwe aneêns voorjaersscheuten. Teminsten, dat dienk ik, want ze gieng plekken schoônmaeke waer of wulder bienae nie komme. Of waer wulder as man dan net zitte om de krante te lezen. Daer mot zie dan zô noôdig mit de stofdoek weze. Kom nie in de kamer mit je schoenen, want zie mot poese, krabbe, schure, wrieve, boene.